
عشان يداريهم هما الاتنين كويس، وقرب من أميرة أكتر عشان يداري حجمه الضخم. ريحة البرفان الرجالي القوية مع ريحة الساندوتش عملت جو غريب وسط الخنقة دي.
أميرة حست برعشة خفيفة لما كتفه خبط في كتفها، بس اللحظة دي اتطفت أول ما سمعت صوت أم سليم وهي بتقرب وبتزعق لو الواد سليم ده ماظهرش حالا، أنا هقلب القاعة دي على دماغ اللي خلفوه!
سليم بص لأميرة، وابتسم ابتسامة خفيفة وساخرة، وقال بصوت هامس بالكاد يتسمع شكلنا مطولين تحت هنا… عندك مانع تكملي الشطيرة دي معايا ولا إيه؟
حكايات_شروق_خالد
أميرة بصت للطبق وبعدين بصت له، وقالت بصوت واطي وهي كاتمة ضحكتها طالما الساندوتش بيكفي اتنين، يبقى خلاص… بس على شرط، لو اكتشفونا أنت اللي هتاخد الشطّة كلها قدام الأمهات.
سليم ضحك بصوت واطي هز صدره الضخم، وقال مفقودة مفقودة كدة كدة… على الأقل ڼموت وإحنا شبعانين.
برة الترابيزة، صوت
الخطوات وقف بالظبط جنب الكراسي بتاعتهم.
أم أميرة قالت بنبرة مليانة يأس يا ربي البت راحت فين! دي حتى ما لحقتش تشوف العريس ولا تقول رايها فيه.
فردت أم سليم بصوت حاد ومليان عصبية عرسان إيه وبتاع إيه يا صفا! سيبك من البت بتاعتك دلوقتي وتعالي شوفي الهانم بتاعتي، قاعدة هناك بټعيط عشان سليم سابها وقعد لوحده… هو أنا خلفت سليم عشان يجلطني؟!
أميرة بصت لسليم برفع حاجب وهي بتكتم ضحكة مچنونة، وهمستله في ودنه بصوت ما يكدش يسمعه غيره شكل الهانم شاهيناز دمه حامي زي أمك.
سليم قرب راسه منها عشان يتكلم براحته، وريحة البرفان الرجالي الفواحة خلت أميرة تنسى مؤقتاً إنهم تحت ترابيزة في نص فرح ضخم شاهيناز دي أزمة وطنية… دي مفكرة إن لمجرد إن أبونا وأبوها أصحاب، يبقى لازم نكتب الكتاب وننزل النيل في فلوكة بكرة الصبح.
طب وماتتجوزهاش ليه وتخلص؟ شكلها بنت ناس وبرستيج.
سليم بصّلها
بنظرة جادة وبصوت هادئ عشان الجواز محتاج قبول… وأنا مش شايف قدامي غير ۏجع دماغ، وبعدين… أنا راجل عبيط ورايق، بحب أكل الساندوتشات بهدوء تحت الترابيزات، مش في القاعات وتحت الأضواء.
أميرة هزت راسها بتأكيد، وقالت بنبرة خبيثة عندك حق، أكل تحت الترابيزة بكتير أريح من وش القفص الذهبي.
وفجأة… صوت الكرسي اللي جنبهم اتحرك بصوت عالي على الأرض، وكأن حد شدّه عشان يقعد عليه!
حكايات_شروق_خالد
أميرة وسليم اتجمدوا في مكانهم وكأنهم تماثيل، وحبسوا نفسهم تماماً. المفرش الأوف وايت كان فاصل بينهم وبين العالم الخارجي، بس صوت حركة الكرسي كان قريب لدرجة إنهم حسوا بصوت رجلين الشخص وهو بيقعد.
صوت راجل تخين ومليان بحة قال بصوت عالي شوية وهو بيكلم حد جنبه يا عم اهدى بقى، سيبك من الحريم وخلونا في الشغل.. الصفقة دي لو تمت، المعلم هيبسطنا أوي.
سليم ضيق عينيه وبان على وشه الجدية الفورية،
كأن مفتاح تاني



