
ميرة كان عندها تلاتين سنة، وكانت مستخبية تحت ترابيزة الفرح عشان أمها جابتلها عريس جديد من بتوع الصالونات.
بس للأسف، طلعت مش لوحدها تحت الترابيزة.
صوت خشن وجاد قالها حاسبي الساندوتش… وممكن تبعدي ركبتك شوية؟
أميرة اتسمرت مكانها، وإيدها ماسكة في جيبتها النبيتي.
كان قاعد جنبها على السجادة راجل جسمه ضخم وجنبه طبق صيني. قميصه الأبيض مشدود على كتافه العريضة، دراعاته مليانة تاتو أسود، وفيه أثر چرح قديم فوق حاجب من حواجبه.
وكان شكله هادي ومش مكسوف خالص، عكسها تماماً.
هو أنت بتاكل تحت الترابيزة؟
كنت باكل في هدوء ورقان… لحد ما حد اقتحم المكان.
سمعوا صوت خطوات بتقرب.
أميرة شدت مفرش الترابيزة الأوف وايت لتاحت وهي حابسة نفسها.
سألها أنتِ مستخبية من حد؟
من أمي.
الضيق اللي كان على وشه اختفى فجأة.
آه…
ضيقت عينيها واستغربت آه؟
بص ناحية باب القاعة وقال أنا كمان مستخبي من أمي.
أميرة حطت إيدها على بقها
عشان متضحكش. هي كانت هربانة القاعة دي عشان تخلع من عريس جديد جايباهولها أمها، والظاهر إن الراجل المريب اللي قاعد جنبها ده وصل لنفس حيلة العجز دي.
همستله اتنين كبار… مستخبيين من أمهاتهم؟
أنا بفضل أسميه انسحاب تكتيكي.
ومعاك كمان أكل؟
جاي مجهز نفسي.
أخد جنب عشان يوسع لها، وزق الطبق ناحيتها.
هي أصلاً ماكلتش طول اليوم.
وبعد لحظة، كانت بتشاركه ساندوتش فراخ تحت ترابيزة غالية جداً.
فجأة دخلت ستين الأوضة.
أميرة عرفت الصوت الأولاني على طول.
أنا مش عارفة البت أميرة اختفت راحت فين بس!
جنبها على طول، الراجل اتسمر مكانه ومتحركش لما الست التانية ردت. كانت متضايقة وطهقانة زي أم أميرة بالظبطوكانت بتشتكي من ابنها اللي طول السهرة بيتهرب من واحدة اسمها شاهيناز. الراجل بطل يمضغ، وأميرة بصتله وهي مستغربة.
حكايات_شروق_خالد
الست التانية كملت كلامها وهي بتنفخ بضيق الواد سليم ده جَنني! سيبت العزومة كلها وقعدت أدور
عليه، ألاقيه فين؟ بيتهرب من بنت عمته شاهيناز طول الفرح كأنه بيشوف عفريت!
سليمالراجل الضخم اللي قاعد جنب أميرة تحت الترابيزةحط إيده على وشه وغمض عينيه پقهر، وبان عليه إنه جاب آخره.
أميرة بصتله بطرف عينها وهي كاتمة ضحكتها، وطلعت صوت واطي بتقول بهمس شكلنا إحنا الاتنين واقعين في نفس المطب… بس شكل أمك ناويالها على إبادة مش مجرد جواز.
سليم بصّلها بنظرة فيها مزيج من الاستسلام والدهشة، وبعدين وطّى صوته خالص وهو بيرد عليها دي مش أم يا ست هانم، دي حكومة عسكرية… لو لقيتني برة الترابيزة دي اعتبريني في عداد المۏتى.
أميرة هزت راسها بتفهم، وقالت بصوت هادئ وهي بتاخد حتة كمان من الساندوتش متقلقش، السر في بير… اعتبر نفسك في حماية أمن الحتة.
فجأة، صوت الخطوات برة بدأ يقرب من الترابيزة أكتر وأكتر، وسمعوا صوت صوت أم أميرة وهي بتقول لصاحبتها تعالي بس ندور هنا أحسن تكون حشرت نفسها في حتة تانية!
سليم شد مفرش
الترابيزة أقصى حاجة يقدر عليها



