حماتي كانت بتاخد مني علبة سمنة كل أسبوع بحجة إن جوزها ممنوع من الزيت، وكنت بديهالها من غير ما أفكر، لأنها في الآخر أم جوزي! لكن بعد سنة، دخلت مخزنها بالصدفة، ولقيت عشرات العلب متخزنة وعليها اسمي ولما فتحت أول علبة، اكتشفت إن جواها ورقة مكتوب عليها مبلغ فلوس! والأغرب إن المبلغ كان مختلف من علبة للتانية، وكأن حماتي كانت بتسجل حسابات سرية محدش يعرف عنها حاجة!
أنا اسمي هالة، ومتجوزة من أحمد بقالي ست سنين، وعندي بنت صغيرة. من أول جوازي وأنا بحاول أكون قريبة من حماتي، مدام فوزية، وأعاملها زي أمي بالظبط.
كانت ست بتحب تدخل في تفاصيل حياتنا، وكنت بحاول أعدّي أي
خلاف علشان جوزي مايتضايقش.
لكن أغرب حاجة كانت بتعملها إنها كل أسبوع تتصل بيا وتطلب مني علبة سمنة بلدي.
كانت تقول
_ يا هالة، معلش يا حبيبتي، ابعتيلي علبة سمنة، أصل أبو أحمد الدكتور مانعه من الزيت، ومش عارفين نطبخ من غيرها.
كنت بضحك وأقولها
_ حاضر يا ماما، هبعتلك علبة كبيرة المرة دي.
ومع الوقت، بقيت أجهز لها العلبة كل يوم جمعة، وأبعتها مع أحمد وهو رايح يزورها.
الموضوع استمر شهور، لحد ما بقى عادة ثابتة في حياتنا.
لكن الغريب إن حماتي عمرها ما كانت بتطلب أي حاجة تانية، ولا حتى كانت بتسألني عن نوع السمنة أو حجمها. كانت مصممة على نفس النوع، ونفس العلبة، وكل مرة
تقول إنها محتاجاها لزوجها.
وفي يوم، كنت بساعدها ترتب المطبخ، وفتحت درج بالصدفة، لقيت علبة سمنة من نفس النوع اللي ببعتهولها.
استغربت وقلت
_ إيه ده يا ماما؟ دي لسه جديدة!
ردت بسرعة
_ دي احتياطي يا بنتي، أصل أبو أحمد بيستهلك كتير.
عدّيت الموضوع، لكن جوايا بدأ يتكون سؤال غريب هو إزاي كل أسبوع بتاخد علبة، ولسه عندها علب متخزنة؟
بعدها بشهر، حماتي طلبت مني أروح معاها أشتري شوية حاجات للبيت، ولما وصلنا، قالتلي إنها نسيت حاجة في المخزن، وطلبت مني أجيبها.
دخلت المخزن، وكان مليان كراتين وعلب متراصة على الأرفف.
لكن أول ما بصيت ناحية الرف الأخير، اتجمدت مكاني.
كان فيه
عشرات علب السمنة اللي
نا ببعتهالها، متخزنة بنفس الترتيب، وكل علبة عليها ورقة صغيرة مكتوب عليها اسمي وتاريخ استلامها!
قربت من الرف، وبدأت أقرأ التواريخ.
علبة من أول شهر جوازنا، وعلبة من الشهر اللي بعده، وعلب كتير لحد الأسبوع اللي فات.
لكن اللي لفت نظري إن فيه علبة مفتوحة، وجواها ورقة مطوية.
فتحتها، ولقيت مكتوب عليها مبلغ 500 جنيه.
قلبي بدأ يدق بسرعة.
فتحت علبة تانية، لقيت ورقة عليها 700 جنيه.
والتالتة كان مكتوب عليها 1200 جنيه.
فضلت أفتح العلب واحدة ورا التانية، وكل علبة كان جواها ورقة بمبلغ مختلف، ومعاه تاريخ واسم شخص!
حسيت إن الموضوع أكبر من مجرد تخزين سمنة.
وفجأة، سمعت صوت حماتي ورايا
_ إنتِ بتعملي إيه هنا
يا هالة؟
اتلفت بسرعة، ولقيتها واقفة عند باب المخزن، ووشها متغير.
سألتها
_ إيه الفلوس دي يا ماما؟ وليه كل علبة عليها اسمي؟
حاولت تضحك، وقالت
_ دي حسابات قديمة يا بنتي، مالكيش دعوة بيها.
لكن أنا كنت شايفة إن فيه ورقة مختلفة عن الباقي، مكتوب عليها مبلغ كبير جدًا، وتحت المبلغ جملة واحدة
الدفعة الأخيرة بعد ما هالة توافق على البيع!
بصيت لحماتي وأنا مش فاهمة، وسألتها
_ بيع إيه؟ وإيه علاقة اسمي بالفلوس دي؟
لكنها قربت مني بسرعة، وحاولت تاخد الورقة من إيدي.
في اللحظة دي، دخل أحمد المخزن، ولما شافنا واقفين، سأل
_ فيه إيه؟
بصيتله وقلت
_ إنت تعرف حاجة عن الفلوس دي؟
سكت، ووشه اتغير.
حماتي بصتله بنظرة تحذير،
لكنه ماقدرش يتكلم.
رجعت أبص للورقة، وبدأت أفهم إن كل علبة كانت مرتبطة بحاجة أكبر من مجرد طلب أسبوعي.
لكن قبل ما أقدر أسأل أي سؤال تاني، حماتي فتحت درج صغير في آخر المخزن، وطلعت منه ملف قديم.
حطته قدامي وقالت
_ طالما إنتِ عرفتي، يبقى لازم تعرفي الحقيقة كاملة.
فتحت الملف، ولقيت صورًا لمستندات، وإيصالات، وأوراق عليها توقيعات.
لكن آخر ورقة كانت مختلفة تمامًا.
كانت عقد اتفاق، مكتوب فيه اسمي بالكامل، وتحت اسمي مبلغ كبير، وبند واحد خلاني أحس إن الدنيا وقفت.
حكايات بسمة
العقد كان مفروش قدامي تحت ضوء اللمبة النيون العريانة في سقف المخزن، والسطور كانت بتتحرك قدام عيني كأنها عقارب حية. البند الأخير
كان مكتوب بخط إيد واضح، ومختوم بختم
