روايات

عرين الاسد شروق خالد

اتقلب جوه دماغه؛ وملامحه اللي كانت من شوية بتضحك اتحولت في ثانية لنظرة حادة وصارمة تخلي أي حد ېخاف يقرب منه.
أميرة لاحظت التغيير المفاجئ ده، وقلبها دق بسرعة. الراجل ده مش بس هارب من أمه.. شكله وراه بلاوي تانية خالص!
قبل ما تلحق تسأله، سليم مد إيده بحذر شديد، وطلع تليفون صغير قديم من جيبه، وفتح رسايل الشات ومسح شاشة التليفون عشان النور بتاعه ما ينورش تحت المفرش، وكتب بسرعة بإصبعه على الشاشة
اسكتي خالص وما تنطقيش.. دول مش تبع أمهاتنا، دول رجالة المعلم حتحوت، ولو شافونا هنا.. هتبقى ليلة سودا علينا إحنا الاتنين.
أميرة بصت في الشاشة، وعنيها وسعت من الصدمة وهي بتقرا الكلمة.. المعلم حتحوت؟! دا أكتر اسم خطېر في المنطقة كلها!
برة تحت الترابيزة، صوت التاني رد عليه بتهكم يا عم حتحوت إيه وبتاع إيه؟ ما تسيبنا رايقين في الفرح.. هو إحنا فاضيين لشغل الحيتان ده؟ المهم البضاعة وصلت الميناء ولا لسه؟

صوت الكرسي اهتز تاني لما الراجل عدل قعدته، وواحد منهم مد رجله بعشوائية.. ورجله خبطت جامد في رجل سليم اللي كانت ممدودة تحت المفرش!
رجل سليم اتخبطت جامد في جززمة الراجل الغريب، بس سليم ما تحركش ولا أخد رد فعل، كأنه بلوكة خرسانة. الراجل اللي برة كمل كلامه باستغراب ايه ده.. حاسس كأن فيه حد خبط في رجلي تحت.
رد عليه صاحبه بصوت فاتر يا عم بلا حد خبط في رجلك بلا بطيخ.. دي الديكورات ولا ترابيزات الفرح المعفنة دي، اخلص واشرب الكوكتيل بتاعك عشان نمشي.
تحت الترابيزة، أميرة كانت حابسة نفسها، وقلبها بيدق بسرعة كأنه هيطلع من صلتها. بصّت لسليم اللي كان عينه مركزة على خطوط رجلين الاتنين اللي برة، ومحافظ على هدوءه بشكل مخيف.
بعد ثواني، سمُعوا صوت قيامهم واتركهم للترابيزة وهم بيقولوا بصوت واطي بيضيع وسط زحمة القاعة طب يلا بينا ندخل جوه قبل ما المعلم يشوفنا واقفين.
خطواتهم بدأت تبعد وتتلاشى تدريجياً
لحد ما المكان رجع هادي خالص.
سليم أخد نفس عميق، ومال برأسه على المفرش وبص لأميرة اللي كانت عينيها مراقباها پصدمة، وقال بصوت واطي ونبرة هادية فيها تلميح ابتسامة شكل ليلتنا اللي بدأت بهرب من الأمهات.. هتنتهي بمطاردة عصابات.
أميرة بلعت ريقها بصعوبة، وبعدين بصت للطبق الفاضي وللساندوتش اللي خلص، وقالت بابتسامة متوترة بس فيها تحدي بص يا ابن الناس.. طالما هربنا من الأمهات وطلعنا أغراب عن بعض، ودخلنا في سكة المعلم حتحوت دي.. يبقى مفيش قدامنا غير حل واحد.
إيه هو؟
رفعت إيدها ونفضت هدومها بجرأة وقالت نطلع نكمل أكل البوفيه برة، وبعدين نشوف موضوع العصابة ده، أصل الجوع كافر والصراحة الحتة دي مابتخوفنيش!
سليم ضحك بصوت عاليلأول مرة من غير ما يهتم مين يسمعهومد إيده ليها عشان يساعدها تطلع من تحت الترابيزة،
وقال على بركة الله.. أهو بالمرة نخلع من بيانكا وشاهيناز للأبد!
حكايات_شروق_خالد
عريس هارب، وزعيم
ماڤيا،
حكايات شروق خالد

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى