
وصلت السيارة إلى بوابة الفيلا، فهي بوابة كبيرة، فتح البواب الباب ودخلت السيارة وعمر ينظر يميناً ويساراً بانبهار. فطريق السيارة وسط حديقة رائعة، أشجار وورود وتماثيل وديكور فخم، فهي كما يرى في التلفاز لم يتخيل أن يكون في مثلها في الواقع. وصلت السيارة أمام باب الفيلا ونزل السائق مسرعاً كي يفتح لهم الباب. نزل عمر من السيارة ونظرة الانبهار والدهشة وعدم التصديق أن كل هذا موجود في الواقع. اقترب من وفاء وصعد معاً عدة درجات السلم الرخامي الفخم، ضغطت وفاء جرس الباب فتحت لهم الخادمة: أهلاً وفاءهانم. وأخذت حقيبتها ونظرت لعمر: أهلاً بحضرتك يا بيه، صلاح بيه في انتظارك. (وفاء اتصلت بوالدها وهم في السيارة وأخبرته أنها آتية مع عمر).
وفاء: أنا هغير هدومي ومش هتأخر عليك.
عمر: اتفضلي.
صعدت وفاء سلم الفيلا الداخلي وعمر عيناه معها ونظر حوله بانبهار شديد، فكل شئ جميل فخم جداً. فهو يقف في صالة كبيرة جداً مفروشة بأفخم أنواع السجاد وبها أعمدة من الجرانيت المنقوش والصالونات الفخمة.
نظر للخادمة: هو صلاح بيه فين؟
الخادمة: اتفضل حضرتك. ومش بعض الخطوات وهو خلفها يتلفت يميناً ويساراً ينظر لكل شئ بإعجاب. توقفت الخادمة وأشارت له على باب كبير فخم: البيه في المكتب، اتفضل. وذهبت وتركته.
بلع لعابه بصعوبة، فهو قلق من مقابلة صلاح، هو لم يكن يحلم بمقابلته وهو الآن داخل بيته وهو من طلب رؤيته. طرق على الباب أتاه صوت من الداخل: ادخل.
فتح الباب ودخل بهدوء عكس ما يشعر به من ارتباك: السلام عليكم.
سلم عليه صلاح: وعليكم السلام، عمر المنشاوي مش كدا؟
عمر بتوتر: أيوة أنا.
صلاح: اتشرفت بمعرفتك.
عمر: الشرف ليا أنا إني قابلت حضرتك.
صلاح: اتفضل. وأشار له على كنبة جلد من النوع الفخم الراقي: أصل مش بحب قاعدة المكاتب في الجلسات العائلية.
عمر بفرح: شكراً لحضرتك انك بتعتبرني من العيلة.
صلاح: طبعاً، مش انت صديق وفاء تبقى من العيلة. احكيلي شوية عن نفسك.
عمر بأستغراب: أنا عارف أن حضرتك عارف عني كل حاجة وإلا مكنتش طلبت تشوفني.
ضحك صلاح: يعجبني ذكاءك.
وظلوا يتحدثون عن كل شئ، الشغل وسوق المال والشركات.
جاءت وفاء وأسرعت إلى والدها واحتضنته: حبيبي يا بابا عامل إيه دلوقتي؟
صلاح وهو يربط على ظهرها: الحمد لله كويس، بس ليه ماجتيش تسلمي عليا أول ماجيتي زي كل يوم؟
وفاء: أبداً، قولت أسيبكم تتكلموا براحتكم.
صلاح: طب وصيتيهم يحضروا الغدا؟
وفاء: أيوة، عشر دقايق وتكون السفرة جاهزة.
عمر: احم، طب استأذن أنا.
صلاح: تستأذن إيه؟ احنا لسة مخلصناش كلامنا.
عمر: أجي لحضرتك مرة تانية ونتكلم.
نظرت وفاء لعمر نظرة ترجي، فهي تعرف والدها لا يحب أن يطلب من أحد طلباً ويرد طلبه، وخاصة إن كان طلباً عادياً يقدر أن يفعله، وقالت: خليك ياعمر نتغدا سوا عشان خاطر بابا.
عمر: أنا بس مش عايز أضايقكم.
صلاح: تضايقنا إيه بس؟ أنا بقول عليك من العيلة وانت تقول كدا.
عمر بفرح: حضرتك دا يشرفني جداً، بس واضح أن علاقتكم ببعض حلوة اوي وانكم قريبين اوي من بعض ما شاء الله، يعني ربنا يخليكم لبعض.
ضحك صلاح: وفاء دي مش بنتي بس، دي حياتي كلها، أنا مليش غيرها في الدنيا وعندي استعداد أعمل أي حاجة عشان تكون سعيدة.
دخلت الخادمة: السفرة جاهزة يا صلاح بيه.
تحرك صلاح وتقدم عنهم بخطوتين وخلفه وفاء بجانبها عمر، ودخلوا غرفة الطعام. اتسعت عيناه منبهراً بكل ما رآه، غرفة كبيرة في وسطها طاولة كبيرة وكراسي فخمة وتحف ونجف وديكورات، كل شئ مبهر وخاصة لمن يراه أول مرة، حتى طريقة وضع الطعام على الطاولة، الكثير من الأصناف. جلس صلاح على رأس الطاولة وجلس عمر ووفاء متقابلين وبدأوا بالأكل.
في شقة فاطمة
شعرت بالقلق من تأخر عمر، فهذه أول مرة يتأخر لهذا الوقت. قالت لنفسها: ياترى إيه اللي أخرك كدا ياعمر؟ دا انت عمرك ماعملتها من يوم ما اشتغلت في الشركة دي. ربنا يرجعك بالسلامة ويحفظك يارب.
في شقة محمد
جلست فيروز وأمينة يتحدثان في الصالة، ففيروز تعبت من النوم على السرير وخرجت تجلس مع والدتها وتشعر أن شئاً ما سوف يحدث ولكن لا تعرف ما هو: هو بابا اتأخر كدا ليه؟
أمينة: والله ما أنا عارفة، ربنا يستر، يمكن المواصلات، ربنا يحفظه.
فيروز: يارب. سكتت قليلاً: ماما هو انتي سمعتي إن عمر جيه ولا لأ؟
أمينة: لأ ماسمعتش صوته، دا حتى وأنا في المطبخ مفيش صوت من شقة فاطمة خالص ولا حتى التلفزيون.
ساد الصمت وفيروز عيونها معلقة على الباب تنتظر رجوع والدها أو طرقات عمر جاء يطمئن عليها: ياترى إيه اللي أخرك كدا ياعمر.
في فيلا صلاح الجيار
بعد أن انتهوا من تناول الطعام طلب صلاح الشاي في الحديقة.
صلاح: تعالا ياعمر نقعد في الهوا شوية.
خرج عمر مع صلاح ووفاء إلى الحديقة الخلفية، هي حديقة رائعة لا تقل جمالاً عن الحديقة الأمامية، فهي فعلاً غاية في الجمال، الكثير من أشجار الفاكهة وحمام سباحة رائع وكراسي خاصة بالاستلقاء عليها حول حمام السباحة، طاولة خشبية وكراسي. جلسوا وجاءت الخادمة بالشاي والحلويات والعصير. أشارت وفاء للخادمة كي تنصرف وقامت هي وقدمت لوالدها وعمر.
ذهبت وفاء مسرعة وعادت ومعها دواء والدها: اتفضل يابابا.
أخذ صلاح الدواء من يدها ومدت له كوب ماء.
صلاح: تسلم إيدك ياحبيبتي، أنا مش عارف من غيرك هعمل إيه. أنا كل ما أفكر انك هتتجوزي وتسبيني لوحدي.
وفاء: ومين قالك إني أقدر أسيبك لوحدك؟
صلاح: ياسلام، يعني لو جالك عريس هترفضي؟
وفاء بضحك: لا طبعاً هوافق، بس هيكون شرطي الوحيد إنه يقبل يعيش معنا هنا في الفيلا، وأنا مش هطلب منه أي حاجة غير إنه يقدر حبي ليك وإني مقدرش أبعد عنك أبداً.
ظل عمر يستمع لهم باهتمام، وأن شرط وفاء هو العيش في هذه الفيلا الكبيرة الرائعة، وظل يحسد سعيد الحظ الذي سوف تتزوجه ويفوز بهذا كله، فهي ابنته الوحيدة وهذا كله لها. وسرح بخياله وأنه يعيش في هذا المكان الرائع، ورأى نفسه في كل مكان، وهو جالس على مكتب صلاح، وهو في حمام السباحة، وهو يتمشى في الحديقة ويقطف بعض الثمار. ابتسم ابتسامة واسعة.
صلاح بأستغراب: مالك ياعمر سرحان في إيه؟
عمر: لا أبداً، بس في موضوع عايز أفتحه مع حضرتك ومش عارف أبدأ منين.
صلاح: ابدأ من أي حتة، أنا ارتحت ليك جداً ومش هبالغ لو قولتلك إني هعتبرك زي ابني، اتكلم براحتك.
عمر بأحراج: احم احم، أنا… بصراحة كدا وبدون مقدمات عايز (نظر لوفاء) أطلب إيد الآنسة وفاء وأتمنى أن حضرتك توافق.
الفصل الثالث عشر
في حديقة فيلا صلاح الجيار نظر عمر لوفاء: أنا عايز أطلب إيد الآنسة وفاء وأتمنى أن حضرتك توافق.
اتسعت عيناي وفاء بزهول، فهي لم تتوقع أن يطلبها بهذه السرعة، وأنه معجب بها، لكنها تفاجأت أنه يحبها كما تحبه، فهي أعجبت به من أول مرة رأته فيها. قامت من مكانها مسرعة بخجل ودخلت الفيلا.
عمر: أنا آسف شكلي اتسرعت بطلبي دا. وقام من مكانه كي يغادر المكان لكن أوقفه صلاح: بصراحة انت فجأتني بطلبك دا، بس أنا معنديش مانع، انت شاب كويس وسمعتك طيبة وأهلك ناس طيبين، وأنا اللي يهمني سعادة بنتي ورضاها.
عمر: أنا عارف إني مش قد المقام وإني أقل منكم بكتير بس…




