خطيبي كان عايز يكيد طليقي فحجز قاعه لفرحنا في الفندق بتاعه من غير علمي ، بالفرح خطيبي شاور على طليقي وقاللي ايه رايك في المفاجأه دي ، بس المفاجاه الحقيفيه كانت اللي عمله طليقي وقتها وخلي القاعه كلها سكتت تماما من الذهول !!!!
أنا اتطلقت من خمس سنين، وبكل هدوء واحترام، لأن حياتنا مع بعض كانت جحيم مستمر.
شريف طليقي كان عايزني أتفرغ تماماً للبيت، وأنا كان طموحي شغلي وكياني اللي تعبت فيه. لما لقيناها صعبة والتفاهم مستحيل، انفصلنا من غير مشاكل، وكل واحد راح لحاله. ومن يومها، قطعت سيرته تماماً.
بعد خمس سنين، دخل حياتي “كريم”، ظابط طيار من عيلة مرموقة جداً. اتقدملي وهو عارف كل تفاصيل حياتي، وعارف إني مطلقة، وبالرغم من كده كان محترم وفاهمني وداعم لشغلي.
قلت أخيرًا ربنا عوضني باللي يقدرني ويحترمني. بس للأسف الحلو ميكملش.
من بداية علاقتنا وانا ملاحظه حاجه غريبه كان دايما يسأل عن طليقي؛ أخباره إيه، بيشتغل إيه، شكله اتغير ولا لأ؟
كنت بحس بخنقه من اسألته وقولتله “إحنا في حالنا، وكل واحد راح لحاله، وأنا ما أعرفش عنه أي حاجة وما يهمنيش أصلاً”.. بصلي بابتسامة غريبة وقال لي: “أنا ممكن أجيبلك أخباره في دقيقة، تحبي أجيبلك تقرير مفصل عنه؟”..
اتعصبت جدا وسبته ومشيت.
بعدها حس بغلطته وجه صالجني فوراً، وقعد يحلف إنه كان بيهزر، وإنه بيحبني ومش عايز يزعلني أبداً، وانه هيشيل سيرته من دماغه نهائي.
و للأسف صدقته، وعدّت أيام الترتيبات للفرح على خير.
واختارلي فندق فخم جداً عشان نعمل فيه الفرح وعجبني.
وقبل الفرح بكام يوم، لاحظت حركات غريبة من كريم؛ كان كل ما نروح نتابع الترتيبات في الفندق، يسأل البنت بتاعة الاستقبال بإلحاح شديد: “فين مدير المكان؟”..
والبنت تاكله انه مسافر ومش بيجي غير كل فين وفين
قالها …بس اكيد هيحضر الفرح
قالتله بتاكيد…اكيد يا فندم هو هيكون هنا وقتها لانه راجع بعد يومين
استغربت وسألته ليه مهتم بيه يحضر ولا ميحضرش هتفرق ايه، قال لي عادي عشان كل حاجة تبقى بيرفكت.
ولحد ماجات ليلة الفرح..
كنت واقفة على المسرح، بفستاني اللي كان تحفة فنية، وكنت حاسة إني ملكة زماني
الفرح كان أسطوري بكل معاني الكلمة من الاضائه للترتيبات للفخامه كل حاجه مظبوطه.
بس لاحظت إن كريم عينه مش معايا.. عينه كانت رايحة جاية في القاعة كأنه بيصطاد حد، أو مستني لحظة معينة بفارغ الصبر.
وفجأة.. لمعت في عيونه ابتسامة شيطانية، مسك إيدي وقرب مني أوي وشاور بعينه على مدخل القاعة، وقال بصوت مليان شماتة:
“إيه رأيك في المفاجأة دي؟ بصي كده مين منورنا الليلة!”
بصيت مكان ما بيشاور.. واختفت ابتسامتي تماماً. .
كان واقف..هو شريف “طليقي”!
كان واقف بيبص لينا بصدمة عمره، مش مصدق إن دي أنا، وإن ده فرحي، وإني اخترت أعمل الفرح في الفندق بتاعه هو!
ملامح وشه كانت مزيج من الصدمة، الذهول، والوجع.
كريم كان حاطط إيده في جيبه، وواقف بكل غرور، فاكر إنه كده “كاده وفاجأه
بس المفاجأه الحقيقيه كانت اللي عمله شريف وقتها وقلب القاعه كلها راسا على عقب!!!!! ملحوظة القصة الكاملة ستجدها مثبتة في التعليقات
علي الصفحه دي عالم السطور 👉🏻 مش في الجروبات اضغط بس ع اسم الصفحه هايطلعلك البوست باللينك ❤❤❤
حكايات زهرة الربيع
اللهم صلي على حبيب الله
أنا اتطلقت من خمس سنين من شريف وبكل هدوء واحترام لأن حياتنا مع بعض كانت جحيم مستمر وكل واحد فينا كان شايف إن التاني هو اللي لازم يتنازل عن أحلامه عشان المركب تمشي
شريف كان عايزني أتفرغ تمامًا للبيت وأسيب شغلي وطموحي وأحط كل حياتي في خدمته وخدمة أسرته وأنا كنت شايفة إن الجواز مش معناه إن الست تدفن أحلامها وإن البيت اللي يتبني على تنازل طرف واحد عمره ما هيكون بيت سعيد
حاولنا كتير نفهم بعض لكن كل محاولة كانت بتنتهي بخناقة جديدة لحد ما وصلنا لمرحلة بقينا فيها بنتكلم أقل ما بنتكلم وبقينا بنحسب كل كلمة قبل ما نقولها عشان منفتحش باب لمشكلة جديدة
وفي يوم قعدنا قدام بعض واتكلمنا بهدوء وقررنا ننفصل
لا هو شتم ولا أنا شتمت ولا حد فينا حاول يشوه صورة التاني قدام الناس
خلصنا كل حاجة باحترام وكل واحد راح لحاله
خرجت من الجواز وأنا موجوعة لكن كنت مقتنعة إن القرار صح وإن ساعات الفراق بيكون أرحم من إن اتنين يفضلوا عايشين مع بعض وهما بيطفوا روح بعض كل يوم
بعد الطلاق ركزت في شغلي وبنيت لنفسي حياة جديدة واتعلمت أعتمد على نفسي في كل حاجة
أما شريف فمعرفش عنه أي حاجة تقريبًا لأنني قطعت كل الطرق اللي ممكن توصلني بأخباره
خمس سنين كاملة عدوا من غير ما أشوفه ولا حتى أعرف إذا كان اتجوز أو لأ
كنت فاكرة إن الصفحة دي اتقفلت للأبد وإنه بقى مجرد شخص من الماضي ملوش أي مكان في حياتي
لحد ما ظهر كريم
كريم كان ظابط طيار من عيلة معروفة ومحترمة وكان عنده حضور قوي وثقة في نفسه تخلي أي حد يقعد معاه يحس إنه قدام شخص متعود إن كلامه يتسمع وإن الناس بتحسب خطواتها قبل ما تعترض عليه
اتعرفنا عن طريق معارف مشتركين وفي البداية كان لطيف جدًا معايا
كان بيسأل عن شغلي واهتماماتي وأحلامي وكان بيشجعني إني أطور نفسي أكتر وكنت بحس إنه مختلف عن شريف في حاجات كتير
لما عرف إني مطلقة وإن جوازي الأول انتهى بسبب اختلافنا في طريقة الحياة ماحاولش يحسسني إني أقل من أي بنت سبق ليها الجواز
بالعكس قال لي وقتها
أنا مش بحاسبك على ماضيكي يا نادية أنا يهمني إنتي مين دلوقتي وإحنا ممكن نبني إيه مع بعض
الكلام ده لمس قلبي لأنني كنت محتاجة أحس إن فيه راجل يقدرني زي ما أنا من غير ما يحاول يشكلني على مزاجه
ومع الوقت بدأت أتعلق بيه
لما اتقدملي وافقت بعد تفكير طويل وبعد ما اتكلمنا عن كل حاجة تخص حياتنا وشغلي ومستقبلي
كنت واضحة معاه من البداية وقلتله إني مش هسيب شغلي وإن نجاحي جزء من شخصيتي وإنني مش عايزة أكرر تجربة الجواز اللي فاتت
بصلي وقال بثقة
أنا لو كنت عايز واحدة تقعد في البيت وماتعملش حاجة غير إنها تستناني أرجع من الشغل كنت دورت على واحدة تانية لكن أنا اخترتك إنتي عشان شخصيتك وطموحك
وقتها حسيت إن ربنا عوضني عن كل اللي فات وإن أخيرًا لقيت الشخص اللي أقدر أبدأ معاه من جديد من غير خوف
لكن كان فيه تصرف غريب بدأ يظهر منه بالتدريج
كريم كان بيسألني عن شريف كتير
في البداية افتكرت إنه مجرد فضول طبيعي من راجل داخل على جواز من واحدة مطلقة لكن أسئلته كانت مختلفة عن أي حاجة ممكن أتوقعها
كان يسألني
هو شريف كان بيشتغل إيه بالظبط؟
قلتله إنه كان شريك في إدارة مجموعة فنادق وإنه كان مشغول بشغله معظم الوقت
سألني
وهو لسه في نفس المجال؟
قلتله
معرفش يا كريم إحنا بقالنا خمس سنين منفصلين وأنا مش بتابع أخباره
سكت شوية وبعدين رجع سألني
طب هو كان عنده فلوس كتير وقتها؟
بصيتله باستغراب وقلت
إنت بتسأل ليه؟
ضحك وقال
يا ستي عادي بنتكلم
لكن الموضوع ماتوقفش عند كده
كل ما نكون قاعدين مع بعض كان يجيب سيرته بطريقة أو بأخرى
مرة يسألني إذا كان شريف عصبي ولا هادي
ومرة يسألني إذا كان بيغير عليا
ومرة يسألني إذا كنت لسه بتكلم أي حد من عيلته
وفي كل مرة كنت بحاول أقفل الموضوع وأغير الكلام لكنه كان بيرجعله تاني
لحد ما في يوم كنا قاعدين في كافيه بعد ما خلصت شغلي وفجأة سألني
قوليلي يا نادية هو شريف كان شايف نفسه عليكي؟
حطيت الكوباية من إيدي وبصيتله بجدية
كريم إنت ليه مهتم بشريف بالشكل ده؟
اتغيرت ملامحه للحظة لكنه رجع ابتسم وقال
أنا مهتم بيكي إنتي وعايز أعرف كل حاجة عن حياتك
قلتله
أنا حكيتلك كل حاجة تخص جوازي السابق لكن مش معنى كده إننا هنفضل نتكلم عن طليقي طول الوقت أنا خلاص حياتي اتغيرت وإنت اللي موجود فيها دلوقتي
هز راسه وقال
عندك حق
لكن بعدها بأيام حصل الموقف اللي خلاني أشك إن الموضوع أكبر من مجرد فضول
كنا بنتكلم عن ترتيبات الفرح وفجأة قال لي وهو بيقلب في موبايله
على فكرة أنا أقدر أعرف أخبار شريف كلها في دقيقة واحدة بس لو حبيتي
ضحكت في البداية لأنني افتكرت إنه بيهزر لكنه رفع عينه وبصلي بجدية غريبة وقال
أجيبلك تقرير مفصل عنه؟ شغال فين وبيعمل إيه وحياته ماشية إزاي؟
اتجمدت مكاني
قلتله بعصبية
