منوعات

ادم وحياه لمني راضي

آدم:

— أنا عملت كده عشان جدي وحبي ليه، مقدرتش أرفض طلبه، ومبسوط إنك قدرتي موقفي، لأني خاطب فعلًا، واتمنى فعلًا إنها متلاحظش حاجة.

حياة:

— أوعدك إنها مش هتلاحظ حاجة، وشكرًا مرة تانية.

وتركته وعادت لغرفتها.

مر شهر كامل ولم يحدث شئ، ولكن تعلقت عاليا بحياة كثيرًا، وأحمد أيضًا اعتبرها شقيقته، وكان يأخذها للنادي مع عاليا ومراد. زوج حياة أيضًا أحبها، ولكن آدم لم تتعامل معه نهائيًا، كانت تتجنب الحديث معه.

بالشركة عند آدم، كان منفعلًا على الجميع، فهو يكره تأخير العمل. دخل مراد عليه وقال:

— مالك يا آدم؟ ما الشغل ماشي تمام وكل حاجة، ليه العصبية؟

آدم:

— أنا على أخري يا مراد، فبالله عليك متضغطش عليا عشان متزعلش مني.

مراد:

— مستحيل يكون حاجة في الشغل، لأن كل حاجة تمام، ومش ورقة اتأخرت عليك تعمل فيك كده، حصل إيه يا صاحبي؟

تنهد آدم وقال:

— عمى مش عايز يدي حياة حقها، ورافض المحامي يتعامل معاه، وأنا مش فاضي لوجع الدماغ ده، أنا لولا جدى مكنتش دخلت بينهم أصلًا.

مراد بضيق:

— واضح إن جدك غلط لما فكر إنك هتجيب حقها، بعد إذنك أنا ماشي.

ولم يترك فرصة ليرد آدم عليه.

كانوا يجلسون بالنادي، فلاحظت حياة حزن عاليا وقالت:

— والله كنا فضلنا في البيت أحسن، مالك يا قمر؟

عاليا:

— مراد رجع تاني يتأخر في الشركة، ومبقيتش أعرف أقعد معاه، وهو بيوحشني أوي يا حياة، بس بخاف أقوله يضايق.

ابتسمت حياة لأن مراد كان يقف ويستمع لكل شئ وقالت:

— لا يا عاليا، خليكي ست مصرية أصيلة، لازم تنكدي عليه وتعرفيه إنك مضايقة.

صُدمت عاليا وقالت:

— إيه ده؟ انتي طلعتي شريرة؟ لا طبعًا مقدرش أزعله، ده حبيبي.

مراد:

— ده انتي اللي حبيبتي وعمري كله.

وقبل يدها.

خجلت عاليا وقالت:

— بس يا مراد كسفتني.

جلس مراد وطلب الغداء وتناول الجميع طعامه وعادوا للقصر.

جلسوا جميعًا بالحديقة، فقال مراد موجها كلامه لأحمد:

— مش نلم نفسنا بقى ونيجي الشركة؟ ولا هتفضل كده مقضيها بنات وخروج؟

أحمد:

— أوباااا، الدخلة دي أنا عارفها، انت مالك قلبت على آدم وبتتكلم زيه بالضبط.

عاليا:

— يعني عشان خايف عليك تعمل كده؟

أحمد:

— ماتقولي حاجة يا حياة، دافعي عني.

حياة:

— أدافع عنك لو انت مظلوم بس، انت غلطان، لازم تستغل وتساعدهم في الشركة، ياريتني مكانك والله.

مراد:

— وإيه اللي يمنعك؟ تعالى اشتغلي معايا، واهه يكون تدريب ليكي، إيه رأيك؟

حياة بقلق:

— لا بلاش، أنا أخاف بشمهندس آدم يضايق ولا حاجة.

مراد:

— أولًا أنا مدير الحسابات، يعني شغلك معايا أنا، مش معاه هو، وآدم مش بيدخل في شغلي، إيه رأيك؟

أحمد:

— لو اشتغلتي معانا، وعد، هنزل أنا كمان.

حياة:

— طيب سيبوني آخد رأي ماما الأول وهرد عليك.

قطع حديثهم وصول آدم، فسلم على الجميع وقال:

— حياة، عايزك في المكتب شوية.

ذهبت حياة خلفه وجلست على الكرسي أمامه.

تنهد آدم وقال:

— مكنتش حابب أضايقك، بس لازم تعرفي عمك منشف دماغه ورافض يديلك حقك، وطرد المحامي بتاعي، أنا كده هضطر إني أرفع عليه قضية، بس كنت لازم أعرفك الأول.

حياة:

— بلاش، ده مهما كان عمى، وهو طيب والله، بس مراته هي اللي مخلياه كده وابنه كمان، أنا عمري ما أكون سبب في إيذاء حد.

آدم بتعجب من رد فعلها وطيبتها والحل، طيب:

— حياة، مش عارفة؟ أكيد في حلول كتير بس أنا معرفهاش.

حياة:

— في موضوع تاني مهم كنت عايزك فيه، رنا رجعت النهارده من أمريكا، وبكرة هتيجي تتعشى معانا، حبيت أعرفك.

آدم:

— متقلقش، انت ابن عمى وأنا بنت عمك، بس كنت عايزة استأذنك، مراد طلب مني أشتغل معاه في الشركة ويكون تدريب عشاني، فكنت حابة آخد رأيك.

آدم:

— فكرة كويسة، وأكيد لو حابة تعملي كده أنا موافق طبعًا.

ابتسمت حياة:

— شكرًا إنك وافقت، أنا كنت خايفة ترفض.

فرح آدم عندما وجدها تبتسم، لكن عاد مرة أخرى لملامحه القاسية.

خرجت حياة وأخبرت والدتها كل شئ، فقالت شادية:

— وبعدين بقى فيك يا صابر انت ومراتك، أنا تعبت منهم.

حياة:

— متقلقيش يا ماما، آدم وعدني هيجيب حقي منهم، المهم إيه رأيك في الشغل؟

شادية:

— براحتك يا حبيبتي، اللي انتي عيزاه.

في اليوم التالي لم يحدث جديد طوال النهار، وعندما جاء المساء كان الجميع ينتظر رنا وآدم.

حياة:

— عاليا، هي رنا دي حلوة؟

عاليا:

— هي حلوة آه، بس مغرورة أوي وبتحب نفسها، فلو زعلتك أو رخمت عليكي متزعليش.

أحمد:

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى