روايات

زهرة الربيع

الدوا اللي البنت كانت محتاجاه لما سخنت. شريف فتح الظرف وبص للفواتير، وبعدها رفع عينه لهدى. ـ إنتِ حتى ما اتصلتيش تسألي عليهم؟ هدى قالت بتوتر: ـ كنت بكلم محمود كل يوم. رديت عليها: ـ أيوه، كنتِ بتكلميه، بس عمرك ما سألتي أنا نمت كام ساعة أو كنت قادرة أقوم من السرير ولا لأ. محمود زعق: ـ خلاص بقى يا حنان! إنتِ جاية تفضحينا قدام الناس؟! بصيت له وقلت: ـ أنا مش جاية أفضح حد، أنا جاية أرجع المسؤولية لأصحابها، وأقولك إن مراتك مش خدامة عند أهلك، وإن ولادك مش سبب إنك تهين تعبي وتستغلني. شريف كان واقف ساكت، وفجأة سأل محمود: ـ إنت كنت عارف إنها في إسكندرية؟ محمود حاول يتهرب: ـ أيوه، بس الموضوع بسيط. ـ بسيط؟! وإنت كمان كنت مشارك في الكدبة؟ ـ يا شريف دي أختي، وأنا مش هسيبها. شريف رد عليه بقوة: ـ وأنا كمان مش هسيب ولادي، بس مش هسمح إن حد يستغل مراتي أو يضحك عليا. في اللحظة دي البنت الصغيرة جريت ناحية أمها، وكانت عينيها مليانة دموع. ـ ماما، إنتِ كنتي فين؟ أنا عيطت كتير وكنت عايزاكي. هدى اتأثرت وشالتها، لكن البنت قالت جملة خلت الكل يسكت: ـ طنط حنان كانت بتقعد جنبي لما أعيط، وكانت بتقولي ماما هترجع، بس أنا كنت عايزة ماما. حسيت بوجع في قلبي، قربت منها وبوستها على راسها. ـ خلاص يا حبيبتي، ماما رجعت، وربنا يخليكي ليها. الولد الكبير كان واقف جنب أخته، وقال: ـ ماما، أنا كنت عارف إنك مش تعبانة، أصل شوفت صورك على التليفون وإنتِ بتاكلي آيس كريم في البحر. هدى بصت له بحدة: ـ اسكت إنت! الولد اتخض ورجع لورا، وشريف مسك إيده وقال: ـ محدش هيزعقلك يا حبيبي، إنت عملت حاجة غلط؟ الولد هز راسه بالنفي. شريف بص لمراته وقال: ـ كفاية كدب، العيال مش لعبة نسيبهم وقت ما نحب ونرجع ناخدهم وقت ما نحب. أنا في اللحظة دي حسيت إن الرسالة وصلت، وإن الهدية اللي كنت مجهزاها عملت أكتر من اللي كنت متوقعاه. لكن المفاجأة الحقيقية كانت لسه جاية. محمود سحبني ناحية الباب وقال: ـ إنتِ فاكرة إنك كده كسبتي؟ استني لما نرجع البيت. بصيت له وقلت: ـ أنا مش داخلة معاك في تهديدات، ولو عندك كلام قوله قدام الناس. خرجت من الشقة، وهو خرج ورايا، وأول ما نزلنا السلم بدأ يزعق: ـ إنتِ فضحتيني قدام جوز أختي! إنتِ إزاي تتصرفي من دماغك من غير ما ترجعي لي؟! قلت له: ـ أرجعلك في إيه؟ في إنك كدبت عليا؟ ولا في إنك سيبتني أتعب وأنا لسه والدة؟ قال: ـ دي أختي، ودي حاجة تخص عيلتي. ضحكت بمرارة: ـ وأنا مش من عيلتك؟ وابنك اللي في إيدي ده مش ابنك؟ محمود سكت لحظة، وبعدها قال: ـ أنا كنت فاكر إنك هتستحملي عشان خاطري. بصيت له وقلت: ـ الاستحمال مش معناه إنك تدوس عليا، والحب مش معناه إني أقبل منك أي حاجة. ركبنا العربية، وفضل ساكت طول الطريق، وأنا كنت حاضنة ابني وبحاول أهدى نفسي. لما وصلنا البيت، أول ما دخل قفل الباب بعنف وقال: ـ اسمعيني كويس، أنا مش هسمحلك تدخلي بيني وبين أختي، واللي عملتيه ده مش هعديه. حطيت ابني في سريره وقلت: ـ وأنا كمان مش هسمحلك تستغلني تاني. ضحك باستهزاء: ـ تستغليكي؟! إنتِ مراتي، وواجبك تساعدي أهلي. قلت له: ـ أساعدهم لما أكون قادرة وباختياري، مش لما أكون تعبانة ومجبورة، ومش بالكذب. قرب مني وقال: ـ إنتِ بقيتي قليلة الأدب من ساعة ما خلفتي. الجملة دي وجعتني أكتر من كل اللي فات. بصيت له وقلت: ـ لأ يا محمود، أنا بقيت أعرف قيمتي من ساعة ما خلفت، وعرفت إن ابني محتاج أم قوية تعرف تحمي نفسها وتحميه، مش أم بتسكت على الإهانة عشان ترضي الناس. دخل الأوضة وقفل الباب وراه. أنا قعدت جنب ابني وفضلت أبص له، وفجأة تليفوني رن. كانت أمي. ـ إزيك يا حبيبتي؟ طمنيني، رجعتي العيال لأمهم؟ حاولت أخبي صوت العياط وقلت: ـ رجعتهم يا ماما. أمي سكتت لحظة وقالت: ـ مال صوتك يا حنان؟ انهرت في العياط وحكيت لها كل اللي حصل. أمي فضلت تسمعني لحد ما خلصت، وبعدها قالت: ـ اسمعيني يا بنتي، إنتِ مش غلطانة، بس أنا عايزاكي تفكري في صحتك وابنك، مش في الانتقام من حد. اللي حصل لازم يقف عند حده. قلت لها: ـ أنا مش عايزة غير حقي يا ماما. قالت: ـ وحقك هتاخديه بالهدوء والعقل، مش بالخناق. بعد المكالمة بساعتين، محمود خرج من الأوضة وهو ماسك تليفونه وبيضحك. قلت له: ـ بتضحك على إيه؟ قال: ـ أختي كلمتني، وشريف عامل فيها راجل وزعلان، بس متقلقيش، بكرة هيروق. قلت: ـ وإنت شايف إن اللي حصل عادي؟ رد: ـ يا حنان، أنا مش هفضل أشرحلك، هدى أختي ومش هتتغير. قلت: ـ وأنا كمان مش هتغير قراري، أنا مش هتحمل مسؤولية عيال حد تاني بعد كده. محمود هز راسه بسخرية: ـ نشوف. عدت الأيام، وبدأت أرجع لطبيعتي بالتدريج، لكن محمود كان متغير. بقى يتعامل معايا ببرود، وكل شوية يلمح إن أمه وأخته شايفين إني عملت مشكلة كبيرة. لحد يوم الجمعة، كنا قاعدين بنتغدى، وفجأة تليفونه رن، وكان اسم هدى ظاهر على الشاشة. رد قدامي وحط المكالمة على السماعة. هدى قالت بصوت متضايق: ـ محمود، أنا مش قادرة أستحمل، شريف بقاله أسبوعين مش بيكلمني غير في الضروري، وبيقولي إني مش أم مسؤولة، وإنت لازم تتصرف. محمود قال: ـ متزعليش نفسك، هكلمه وأفهمه. هدى ردت: ـ لأ، أنا عايزاك تجيب حنان وتخليها تعتذرلي، عشان أنا مش هنسى اللي عملته فيا. محمود بص لي وقال: ـ سمعتي؟ أختي عايزاكي تعتذري. حطيت المعلقة وقلت: ـ تعتذر عن إيه؟ هدى صرخت من التليفون: ـ عن إنك فضحتيني قدام جوزي! قلت بهدوء: ـ أنا ما فضحتكيش، إنتِ اللي نشرِتي تفاصيل سفرك على حسابك، وأنا وريتهم لزوجك زي ما هم. هدى قالت: ـ إنتِ السبب في إن شريف بقى يعاملني كده! رديت: ـ لأ يا هدى، تصرفاتك هي السبب. وأنا مش هعتذر عن إني قلت الحقيقة. محمود قفل المكالمة بعصبية وقال: ـ إنتِ مصممة تخربي علاقتي بأختي؟ بصيت له وقلت: ـ علاقتك بأختك تخصك، لكن مش من حقكم تخربوا راحتي أنا. قام من على السفرة وقال: ـ أنا نازل. خرج، وأنا فضلت قاعدة مكاني. بعد ساعة، أمي اتصلت بيا وقالت إن خالي جاي يزورني. استغربت، لأن خالي عبد الرحمن مش من النوع اللي بيتدخل في مشاكل حد، لكنه كان دايماً حكيم وبيفهم في الأصول. لما وصل، قعد معايا وسألني عن صحتي وابني، وبعدها قال: ـ محمود فين؟ قلت: ـ نزل. هز راسه وقال: ـ أنا عايز أتكلم معاكي في موضوع مهم، بس قبل ما أتكلم، عايزك تعرفي إن اللي حصل مش بسيط، واللي يضغط على مراته وهي لسه والدة عشان ترعى أطفال غيرها، لازم يفهم إن ده ظلم. قلت له: ـ أنا تعبت يا خالي. قال: ـ عارف، وعشان كده عايزك تسمعيني. أنا مش جاي أقولك اتطلقي ولا تكملي، أنا جاي أقولك حطي حدود واضحة، وخلي بالك إن محمود لو اعتاد إنك تسكتي، هيكرر نفس التصرف. رجع محمود بالليل، ولما عرف إن خالي كان عندنا، اتضايق. ـ هو إنتِ دخلتي خالك في مشاكلنا؟ قلت: ـ خالي جه يزورني، وأنا مش محتاجة أخبي عليه تعبي. قال: ـ يعني بقيتِ تشكي للناس؟ رد خالي من مكانه: ـ محدش اشتكى يا محمود، أنا سمعت وعرفت، وجاي أفهمك إن البيت مش بيتبني بالضغط والكذب. محمود اتوتر وقال: ـ يا خالي، دي مشاكل زوجية، وملهاش داعي تكبر. خالي رد: ـ المشاكل الزوجية بتتحل بين اتنين، لكن لما طرف يستغل تعب الطرف التاني ويكذب عليه، لازم يعترف بغلطه الأول. محمود سكت. خالي كمل: ـ مراتك لسه والدة، والمفروض تكون سندها، مش تحط عليها مسؤوليات زيادة. ولو أختك محتاجة مساعدة، كان ممكن تطلبها من حد تاني أو تستنى لحد ما مراتك تتعافى. محمود قال: ـ أنا كنت بحاول أساعد أختي. خالي رد: ـ ساعدتها على حساب مين؟ وعلى حساب صحة مين؟ محمود ملاقاش إجابة. بعد ما خالي مشي، محمود دخل الأوضة، وقعد على طرف السرير وقال: ـ أنا عارف إنك زعلانة، بس إنتِ كمان كبرتي الموضوع. بصيت له وقلت: ـ أنا عايزة منك اعتذار حقيقي، مش كلمة عشان نسكت بعض. قال: ـ حاضر، آسف. قلت: ـ آسف على إيه؟ اتنهد وقال: ـ على إني جبت العيال عندك وإنتِ تعبانة. قلت: ـ وعلى الكدب؟ سكت. ـ وعلى إنك كنت عارف إن أختك بتتفسح وسبتني أصدق إنها مريضة؟ قال بضيق: ـ خلاص يا حنان، اعتذرت. قلت: ـ يبقى لسه مش فاهم. نام من غير ما يكمل كلامه. تاني يوم حصلت حاجة ما كنتش متوقعاها. شريف اتصل بمحمود وقال له إنه جاي يزورنا. محمود اتوتر وسأله: ـ في إيه يا شريف؟ شريف قال: ـ جاي أشوف حنان وأسلم عليها، وفي موضوع لازم نتكلم فيه. بعد نص ساعة وصل شريف ومعاه الولدين. أول ما البنت شافتني جريت عليا وحضنتني. ـ طنط حنان، وحشتيني! ابتسمت وبوستها. ـ وإنتِ كمان يا حبيبتي. الولد طلع من شنطته رسمة وقال: ـ أنا رسمتلك صورة عشان إنتِ كنتِ حنينة علينا. كانت رسمة فيها بيت وشجرة وتلات أشخاص، واحد منهم ست شايلة طفل. قلبي اتقبض من كتر التأثر، وقلت: ـ دي أجمل هدية

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى