وكلمة مسموعة في البلد، خبط بعصايته على الأرض وقال الدكان دكاني يا عطوة، والست إلهام مأجراه مني ودافعة حقها ست شهور مقدم، ومحدش له كلمة عليها في ملكي. روح قول لمدحت، رضوان بيقولك اكفي قدرتك على فمها، وبلاش فرعنة على الولايا.. لحسن كلام زمان القديم لو اتفتح، فيه ناس كتير هتنزل روسها في الطين!
عطوة بلع ريقه لما لقى رجالة السوق والشيخ حسن واقفين حيطة سد قدامه. عرف إن الحكاية مش سايبة، وإن إلهام مابقتش مقطوعة زي ما دخلت البلد أول يوم. رجع خطوتين لورا وبص لإلهام بنظرة توعد ماشي.. الكلام هيوصل للبيه بحروفه.. بس افتكري كويس يا إلهام، أنتي اللي بدأتي المعاندة، واللعب مع الكبار عواقبه وحشة.
لف عطوة ومشي والتراب بيعفر ورا مداسه، وإلهام فضلت واقفة مكانها، صدرها بيعلا ويهبط. الشيخ حسن دخل الدكان، وقال بصوت
حنين مټخافيش يا بنتي، محدش يقدر يمسك بشعرة طول ما إنتي ماشية في الحلال والناس الطيبة دي حواليكي. إلهام بصت للشيخ حسن، وبصت لأرضية الدكان، وابتسمت ابتسامة غامضة مكنش حد فاهم سرها غيرها أنا مش خاېفة يا عم الشيخ.. الخۏف ده كان زمان.. دلوقتي أنا اللي هستنى مدحت يجيلي برجله.
بعد ما الناس مشيت والدكان فضي، دخلت نسمة في حضڼ أمها وهي بتترعش ماما.. هو الراجل الۏحش ده هياخد مننا المكنة؟ إلهام مسحت على شعر بنتها وباستها في خدها محدش يقدر ياخد حاجة ربنا كتبها لنا يا نور عيني.. المكنة دي مش بس جابت لنا أكل وعيش.. المكنة دي هترجع لنا حقنا المسلوب شبر بشبر.
قعدت إلهام قدام المكنة، بس المرة دي ممسكتش المقص ولا مسكت القماش. طلعت المفك الصغير من الدرج، ونزلت تحت القعدة الحديد تاني. فكت المسمار الشمال، وسحبت الورقة
المشمع اللي فيها العقد القديم ووصية ستيتة.
قرأت تاني الجملة اللي كانت بتزن في عقلها طول النهار أصل عقدها الأزرق ډافناه تحت عتبة أوضة الخزين في البيت القديم.. ده شقا أبويا اللي انضحك عليا فيه وأنا صبية.
البيت القديم بتاع العيلة.. البيت المهجور اللي في طرف البلد التاني، اللي مدحت قافله من سنين وسايبه للغربان بعد ما بنى السرايا الجديدة على الأرض المسروقة. العقد هناك.. مدفون تحت العتبة.. ومفتاح العز كله، وحبل المشنقة اللي هيلتف على رقبة مدحت وأطماعه، مستنيها تحت التراب في الضلمة.
بصت للسما من الشباك، وشافت النجوم بدأت تطلع في ليل البلد الهادي، وقالت في سرها وعينيها بتلمع بتحدي ڼاري الليل له عيون يا مدحت.. والسر اللي اندفن أربعين سنة، مش هيفضل مدفون أكتر من كده.. الليلة دي، لازم أروح البيت القديم!
دخل البيت ورجع وهو بيجر حاجة متغطية بخرقة قديمة، ورماها على الأرض عملت صوت رزع وطلعت عفرة تراب.
خدي.. دي مكنة خياطة الست ستيتة جدتك. بقالها سنين مركونة في البدروم ومضيقة علينا المكان. لو بتعرفي تخيطي بجد، اديكي لقيتي شغلانة تآكلك عيش.
إلهام بصت للمكنة ومش فاهمة.. مكنة قديمة، مصدية، دي صدقة ولا تريقة؟
يا مدحت.. أنا محتاجة سقف يلمني أنا وبنتي.
هز كتافه ببرود بيعيها، استعمليها، ارميها في البحر.. أنا عملت اللي عليا.
اللي عليك؟ إلهام قالتها والدموع بتغلي في عينها، هي دي مروءتك؟
ده اللي عندي، والباب يفوت جمل…
وقفل الباب في وشها… روايات و اقتباسات
رزعة الباب رنت في الشارع الفاضي، وفي قلب إلهام، وفي معدة بنتها الفاضية.
نسمة بصت لأمها وعينها مليانة دموع يا ماما.. هنعمل إيه دلوقتي؟
إلهام نزلت على ركبها، مسحت دموع بنتها وقالت بصوت قوي وهي بتترعش من جوه هنعديها يا قلب أمك.. والله لنعديها. أمك دايماً بتلاقي حل. حصري على صفحة روايات و اقتباسات
وهي بتحضن بنتها قدام الباب المقفول والمكنة المصدية، مكنتش تعرف إنها بتقول الحقيقة.. مكنتش تعرف إن المكنة دي مش بس حديد قديم.
المكنة دي كان فيها سر مستني ٤٠ سنة عشان ينقذ ست بتشبه الست اللي خبت السر ده زمان.. ست كانت بتمتلك نفس الصبر ونفس التعب….
بقلم مني السيد
إلهام قعدت ساعة تجر المكنة لغاية آخر الشارع. مكنة سنجر سودة بكنار دهبي باهت تحت التراب. تقيلة كأنها شايلة هموم الدنيا. نسمة كانت بتساعد بجر الشنطة وهي قلقانة على أمها…
وصلوا لجامع صغير في آخر البلد، مئذنته قصيرة وشكله بسيط. خبطت إلهام على باب السكن، طلع لها عم الشيخ حسن، راجل كبير شعره أبيض وعينه فيها حنية تريح.
يا حاج.. مالناش حتة نبيت فيها الليلة.
الراجل بص لهم بصه أب، وقال ادخلي يا بنتي، البيت بيت ربنا.
لما حكت له، اتنهد بتعب المكان اللي بننيم فيه الغربا مليان، بس فيه عشة ورا الجامع فيها مرتبة وغطا.. استري نفسك فيها الليلة، وبكرة يحلها الحلال…
العشة كانت ريحتها تراب وخشب، فيها شباك مكسور ومرتبة رقيقة.. بس بالنسبة لإلهام كانت قصر.
بكرة أفطركم بإذن الله.. ناموا دلوقتي، قالها الشيخ حسن وسابهم.
لما بقوا لوحدهم، نسمة نامت من التعب وهي حاضنة عروستها. لكن إلهام مكنش جاي لها نوم. قعدت تبص للمكنة في ضلمة الليل.
فتكرت جدتها ستيتة وهي قاعدة قدام المكنة دي زمان، ضهرها مفرود، ورجلها بتدوس بانتظام، كأنها بتخيط جروح مش بس قماش.
الست اللي معاها صنعة مابتجوعش يا إلهام، دي كانت كلمة الجدة.
لمست إلهام الحديد الساقع، وحست بحاجة غريبة. قاعدة المكنة مكنتش بتطبل مش فاضية. لما هزتها، سمعت صوت حاجة بتتحرك جوه.. صوت مكتوم.
قلبها دق….حصري على صفحة روايات و اقتباسات
جابت مفك قديم كان مرمي في العشة، ونزلت على الأرض وبدأت تفك المسامير المصدية. المسامير كانت عنيدة، وإيدها اتعورت وتتعبت.. بس ماستسلمتش….
وبعد نص ساعة، وتحت ضوء شمعة صغيرة، قدرت تفتح الغطا اللي تحت…ولقت لفة قماش مشمع، مربوطة بدوبارة ناشفة…سحبت اللفة بإيدين بترتعش، وفتحتها..!!!
بقلم_مني_السيد
سحبت اللفة بإيدين بترتعش، وفتحتها.. وريحة خنقة السنين هبت في وشها زي البخور العتيق؛ ريحة جرايد صفرا ونفتالين وزمن كان الناس فيه بيستخبوا من غدر الزمن في بطن الحديد.
المشمع كان ملزوق في بعضه من الرطوبة، كل ما تشد طرف تطلع طقطقة ناشفة تشد أعصابها. قعدت على ركبها، ساندة ضهرها على حيطة الطوب الني بتاعة العشة، وعينها رايحة جاية بين اللفة وبين نسمة اللي كانت بتتنفس بنعومة، غرقانة في نومة عميقة كأنها بتهرب من كل المشاوير الطويلة والتراب اللي سكن مسام جلدها.
لما فكت الدوبارة الأخيرة، القماش اتفرد، ووقعت منه ورقة كراسة مسطرة ومتقطعة من الحواشي، مكتوبة بحبر كوبيا أزرق مسيل شوية من الرطوبة بس لسه الخط واضح، خط جدتها ستيتة اللي كانت بتكتب بيه أسماء الزباين وتواريخ ولادات العيال.
إلهام مسكت الورقة وقربتها من لهب الشمعة اللي كان بيرقص مع كل نسمة هوا داخلة من الشباك المكسور.. وقرت لو وقعت المكنة دي في إيدك يا بت من بناتي، فاعرفي إن الدنيا ضاقت بيكي زي ما ضاقت بيا زمان. الراجل اللي يمد إيده ياخد ورث أمه وهي حية، مش هيستخسر يرمي لحمه في الشارع وهو غائب. دي مش صدقة من حد.. دي شقايا اللي استخسرته في عينيهم العمية.. ده حق المستورين.. خدي سرك وما تأمنيش لحد غير لربك ثم دراعك.
