
وبعدين وشه اتغير.
سلمى قالت:
— مكتوب إيه؟
ما ردش.
مد الورقة لها.
كانت جملة واحدة:
“أنت فاكر إنك بتدور على اللي بيهدد مراتك… لكنك لسه ما اكتشفتش مين كان بيراقبها من جوه بيتك.”
سلمى رفعت عينيها ببطء.
— من جوه بيتنا؟
آدم سأل الدكتور:
— إمتى الظرف وصل؟
— من تلات أيام.
— ومقولتش ليه؟
— لأن اللي سابه قاللي لو فتحت الظرف أو كلمتك… هتكون هي أول واحدة تدفع الثمن.
سلمى حطت إيدها على بطنها.
آدم لاحظ الحركة.
وقرب منها.
— من النهارده، إنتِ مش هتباتي لوحدك.
— هروح بيت أمي.
— لأ.
— ليه؟
— لأنهم ممكن يكونوا عارفين مكانها.
— طيب أروح فين؟
آدم بص لها بثبات.
— بيتي.
ضحكت بمرارة.
— بيتك؟
— أيوه.
— البيت اللي خرجت منه وأنا بطلب الطلاق؟
— نفس البيت.
— مستحيل.
— سلمى…
— أنا مش هرجع هناك.
آدم قرب منها، وصوته بقى أهدى.
— مش عشان أنا عايزك ترجعيلي.
سكت لحظة.
— عشان لو الشخص ده قدر يدخل معلوماتك الطبية، ويصورك، ويعرف موعد المحكمة… يبقى هو قريب جدًا منك.
سلمى سكتت.
ثم سألت:
— وقريب مني قد إيه؟
آدم رد:
— قريب لدرجة إن عنده حد جوه المستشفى.
وفي اللحظة دي، الباب اتفتح فجأة.
دخلت ممرضة وهي بتجري.
— دكتور!
الدكتور قام بسرعة.
— في إيه؟
— الأمن لقى راجل غريب في الدور التالت.
آدم سأله:
— عمل إيه؟
الممرضة كانت بتتنفس بصعوبة.
— كان بيسأل عن مدام سلمى حسن.
آدم اتجمد.
— قبضوا عليه؟
هزت رأسها.
— لأ…
— هرب؟
— أيوه.
— منين؟
الممرضة بلعت ريقها.
— من السلم الخلفي.
آدم مسك إيد سلمى.
— لازم نمشي.
— ليه؟
بص لها بجدية.
— لأن لو هو عرف إننا هنا…
سكت.
سلمى همست:
— هيعمل إيه؟
آدم بص لبطنها.
— هيحاول يوصل للطفل.
خرجوا بسرعة من الغرفة.
لكن قبل ما يوصلوا للمصعد، تليفون سلمى رن.
رقم مجهول.
بصت لآدم.
— أرد؟
— لأ.
لكن المكالمة انتهت.
وبعد ثانيتين وصلت رسالة.
فتحتها سلمى رغمًا عنه.
وكان فيها:
“مبروك يا سلمى… بس افتكري إن الطفل ده مش مجرد ابن آدم الراوي.”
سلمى رفعت عينيها بصدمة.
وفي نفس اللحظة، وصلتها رسالة تانية:
“هو مفتاح حاجة أبوكي خبّاها من عشرين سنة.”
اتسعت عينيها.
— أبويا؟
آدم بص لها.
— أبوكي إيه علاقته بالموضوع؟
سلمى هزت رأسها وهي مش فاهمة.
— معرفش…
لكن لأول مرة، افتكرت حاجة قديمة جدًا.
حاجة أبوها قالها لها وهي طفلة، وحذرها وقتها إنها ممنوع تسأل عنها مهما حصل.
والحاجة دي كانت مرتبطة باسم واحد…
اسم آدم الراوي.سلمى فضلت واقفة قدام آدم، وشها شاحب.
— آدم…
— إيه؟
— أنا افتكرت حاجة.
— قولي.
— وأنا صغيرة، أبويا كان دايمًا بيقول لي جملة غريبة.
آدم قرب منها.
— كان بيقول إيه؟
سلمى بلعت ريقها.
— “لو في يوم سألتي عن عيلة الراوي… اهربي.”
آدم اتجمد.
لثواني، مفيش حد فيهم اتكلم.
وبعدين قال:
— أبوكي كان يعرف عيلتي؟
— معرفش.
— اسمه إيه كامل؟
سلمى بصت له باستغراب.
— إنت عمرك ما سألتني عن أبويا.
— جاوبيني.
— حسن عبدالسلام.
آدم كرر الاسم بصوت منخفض:
— حسن عبدالسلام…
وفجأة، ملامحه اتغيرت.
سلمى لاحظت.
— إنت تعرفه؟
آدم ما ردش.
— آدم، إنت تعرف أبويا؟
— أيوه.
سلمى اتصدمت.
— منين؟
— أبوكي كان شغال مع أبويا.
— فين؟
آدم سكت.
— آدم!
— في الميناء.
سلمى رجعت خطوة.
— أبويا كان بيشتغل في الميناء؟
— مش مجرد عامل.
— أمال كان إيه؟
آدم بص حواليه قبل ما يرد.
— كان الشخص المسؤول عن الحسابات السرية.
سلمى عقدت حواجبها.
— حسابات إيه؟
— فلوس وشحنات وأسماء.
— شحنات إيه؟
آدم سكت.
— ممنوعات؟
هز رأسه.
— حاجات أخطر.
سلمى حست بقلبها بيهبط.
— وإنت كنت تعرف ده وإنت بتتجوزني؟
— ما كنتش أعرف إنك بنته.
سكتت.
— يعني إيه؟
— أول مرة شوفتك فيها، كنتِ بالنسبة لي سلمى وبس.
— ولما عرفت؟
آدم بص لها.
— كنت عايز أقولك.
— بس ما قلتش.
— لأني كنت خايف.
— خايف مني؟
— خايف عليكي.
سلمى ضحكت بمرارة.
— نفس الجملة تاني.
آدم قرب منها.
— أبوكي اختفى من عشرين سنة.
— هو ما اختفاش.
— إيه؟
— مات.
آدم اتجمد.
— إمتى؟
— وأنا عندي سبع سنين.
— مين قالك إنه مات؟
— أمي.
آدم سكت.
ثم قال:
— أبوكي ما ماتش.
سلمى حسّت إن الدنيا بتلف بيها.
— إنت بتقول إيه؟
— ج\ثة أبوكي عمرها ما اتسجلت.
— مستحيل.
— أنا كنت موجود وقتها.
— كنت موجود فين؟
— في الميناء.
دموع سلمى نزلت.
— يعني أبويا كان عايش؟
آدم هز رأسه.
— كان عايش وقتها.
— وبعدها؟
— اختفى.
سلمى مسكت رأسها.
— ليه أمي قالت إنه مات؟
آدم بص لها.
— عشان تحميكي.
— من مين؟
— من الناس اللي كانوا بيدوروا عليه.
وفجأة، صدر صوت من آخر الممر.
خطوات.
آدم رفع رأسه.
في ثانية واحدة، وقف قدام سلمى.
— ورايا.
— مين؟
— ورايا يا سلمى.
ظهر رجل من نهاية الممر.
لابس بدلة سوداء، ووشه متغطي بكمامة.
وقف بعيد شوية.
ثم رفع إيده.
في إيده مس\دس.
سلمى شهقت.
آدم دفعها ناحية الحائط.
— انزلي!
طلعت طلقة.
اتكسرت لمبة في السقف.




